Kuta ni fuma-ley-ar o ni shaider? Itlog at tuyo lang ang Katapat!

Sarap! nakaka relax! kakarelax magtambay sa isang kubo, parang na time space warp ako, biglang naiba ang usual na linggo ko. pagdating sa kubo sasalubungin ka ng tinolang manok, at takenote hindi sayote ang gulay kundi manibalang na papaya! native pa yata ang manok kaya panalo! nag-iimbita tuloy na madaming kanin na pwedeng makain, pero medyo control baka ma-high blood! eh katabi ko pa naman ang patis na may kalamansi! patay na! hindi pa kami natatapos kumain eh nagpapaluto na ng pangmeryenda. Patay malisya pa akong hindi ko inaabangan pero ako na ang nag utos na magpabili ng gata at ng gatas! hehe! para sure na maluto nila di ba!

pagkatapos kumain, napag tripan naming matulog, isang unan dalawa kami ng wife ko, habang nagbibisekleta ang mga bata at maingay na kwentuhan ng mga tao, oks lang kahit maingay hindi ko naman sila naiintindihan, nagkakapangpangan sila eh! malay ko kung ako pinag uusapan nila! maya-maya lang gigising naman ako. Lumalim ang tulog, pero nasa isip ko ang meryenda. Pagmulat ng mata ko, kita ko na ang tray na pinaglalagyan ng meryendang papalapit sa akin, MAIS CON....con saging, kamoteng kahoy at kamoteng ligaw!? oo ligaw dahil napulot sa tabing bakod ng kapitbahay. malilito ka sa sarap, hindi ko alam kung ako si SHAIDER o si FUMA LEy-AR ako!

Kailangan ko nang lumabas sa kuta ni FUMA Leyar kaya lipat ako sa terrace ng bahay ni tatang... mas mahangin pala dun at nagtiis ako ng init sa kubo! pero oks lang busog naman ako. Halos alas singko na nang hapon, halos katumbas na ng isang araw ko sa opisina yun, pero ang sarap ng pakiramdam na naiba ang nagawa ko sa buong maghapon, nakalimutan ko ang routine ko, diskarel ako pero gusto ko pang tumuloy kung saan at anuman ang gagawin ko pa sa araw na 'to. Ang totoo kanina pa ako nakapagsulat sa Cellphone ko, pero dahil sira na naman ang bluetooth ng laptop ko hindi ko mai-transfer ang una kong naisulat. Galing! same experience pero naisulat ko ng dalawang version.

Takbo na kami pabalik sa manila, pagkatapos syempre ng isang tasang kape.... nakapag Pray na kami kasama si Tatang... nagising si Jane at nagtanong na kung saan kami kakain? hmmm good idea,,,, duon na naman ako nakaisip ng bago! kaysa kumain sa labas at gumastos eto ang masarap na hindi namin madalas kinakain! ITLOG na PULA na madaming kamatis, Tuyo, scramble egg! sarap! panalo ang dinner namin. inantok na ako pati ang mga bata, tinulugan nadin ako ni toni, malamig nadin ang TUBA na pinatapal ko sa likod ko, wala na ang stress at sakit... fully charged na ako para bukas, ready na ulit para sa susunod na kabanata.